Në LDK diçka po vlon
Analiza & Komente | Rrezore | 21.05.14 | 07:49
Nga Qazim Bajgoraliu
I nderuar President Sejdiu,
Me zhgënjim të madh, por jo edhe befasues për mua, mora lajmin për mospërfshirjen Tuaj në listën e kandidimit për delegat të Kuvendit të Republikës së Kosovës, e cila vjen si pasojë e lojrava të pista, që kan fillu të luhen, që, para vendimit të Gjykatës Kushtetuese dhe kjo fatëkeqësisht ndodhi edhe nga lidershipi i vetë LDK-së, duke injoruar, sabotuar deri në përpjekje për denigrim të figurës dhe të punës Tuaj, nga ata të cilët ishin bërë si hija Juaj dhe ishin të gatshëm edhe shtratin ta qonin në zyrën dhe kudo ku mundë të ishte presidenti Sejdiu. Unë po tregoj një shembull, kur në vitin 2011 në zyrën e LDK-së në Prishtinë, nga LDK, dega në Gjermani, u dha çmimi „Ora e Presidentit“. Unë porosita që të ftohet presidenti Sejdiu, por nuk kishte leju Ismet Beqiri. Unë për të gjitha manfestimet e degës sonë, kam ftuar gjithëmonë Isa Mustafën si kryetarë i Partisë dhe edhe presidentin Sejdiu si Ish-President dhe ish-kryetarë i LDK-së e kryetarë Nderi tani. Në një bisedë telefonike, Ismet Beqiri më tha: „Shoki, nuk po bani mirë që po i thirrni do njerzë e nuk po vetni“. I thashë se nuk di nëse kam ftuar dikend që nuk e meriton, më trego, se ndoshta keni informacione të gabuara. Më tha: „Po, po thërret Fatmir Sejdiun dhe nuk po ban mirë“. I thashë se unë do ta thërras përderisa konsideroj se ai e meriton dhe nuk konsideroj se ai ka punuar kundër LDK-së. Më tha: ani ani shoki bani qysh doni veq pa neve! (Pra edhe ndodhi injorimi! Nga kryetari Mustafa, më, për asnjë figurë që ne përkujtuam dhe për asnjë manifestim, nuk pa të arësyeshme të dergoj qoftë edhe dy rreshta për të përshëndet tubimet tona). Unë i bëra me dije që duhet të kemi parime dhe neser mund të jeshë një Ish-… dhe si të duket nëse nuk të respektojnë. Ka edhe raste të tjera, të cilat i din edhe Isa Mustafa, kurse Ismetit ia thashë në janar të këtij viti, kur ishte në Zvicer dhe ai u tregu shumë i papjekur dhe i pasinqert, deri në gënjeshtarë të pa skrupullt!
Më kanë befasuar shumica e kryetarëve të degëve, të cilët ranë nën këtë ndikim, u treguan frikacakë, u treguan mosmirënjohës ndaj kontributit të madh të presidentit Sejdiu, të cilët u shndërruan në servil për interesa personale e në dëm të LDK-së.
Dje dhe sot, të shumtë janë ata të cilët më telefonuan dhe më shkruan, për zhgënjimet dhe indinjatën e thellë, për këtë listë e cila përfshinë njerzë dhe prurje, të cilët u ranguan në pjesën e lartë të listës, njerzë të cilët jo vetëm që nuk kan dhënë kotributin e tyre për qështjen e Kosovës, por ishin dhe punuan kundër LDK-së dhe presidentit Rugova, shkatërruan LDK-në dhe ndërruan më shumë se dy parti deri tani, kurse u injoruan njerzë që kanë dhënë shumë për Kosovën dhe nëpërmjet LDK-së, të cilët kan kontribut dhe përvojë të madhe në ndërtimin e shtetit dhe të gjitha proqeseve shtetformuese, sikur jeni Ju, ndër më të përgaditurit politikisht dhe diplomatë i madhë që ka sot Kosova.
Mospërfshirja Juaj , është një lehtësim për Ju, për të pushuar dhe për të qenë më i relaksuar, sesa të merresh e të bëshë politikë, me njerzë të pabesë, njerzë të bizneseve të pista, që fatëkeqësisht jan shumica e kësaj liste dhe e spektrit të gjerë politikë të Kosovës, por fatëkeqësia është humbja e madhe për të ardhmen e mirë të Kosovës, e cila me Ju dhe nënlidershipin Tuaj, do të kishte shpresa më të mëdha për të na dërguar drejt synimit të shumicës së Shqiptarëve, drejt BE dhe aleances Veri-Atlantike, me një shtet ligjorë, pa korrupsion, pa grupe të mafias politike e ekonomike. Gjatë qëndrimit tuaj në Gjermani, Juve personalisht iu shtrua edhe kërkesë – apel, që të jeni pjesë aktive e politikës Kosovare, sepse siq u tha, pa Ju në lidership, e ardhmja e mirë për Kosovën do të jetë larg.
Do të kisha dëshiruar shumë të dijë, nëse në këtë listë prej 110 kandidatëve, kishte ndonjëri burrëri dhe intelektual, e të ketë treguar gadishmërin për të lëshuar vendë për Ju, pas thënies së arësyes Tuaj, shumë burrërore, se nuk lejon që akëcili prej tyre të largohet nga lista e publikuar.
Kur e mendoj se kend kishte LDK kryetarë, kend kishte LDK sekretarë dhe kend ka tani, LDK ka një devalvim skajmërisht të kundërt nga vlera e madhe që kishte për vite të tëra.
Mjerimi për LDK, fillon nga ata që besojnë, se sot, në lidershipin e LDK-së, ka njerzë më të mirë e më të zot, më të përgaditur e më të aftë se presidenti Sejdiu.
Qazim Bajgoraliu
Kryetarë i LDK-së – dega në Gjermani dhe anëtarë i Këshillit të Përgjithëshëm të LDK-së
Komente