Nesër del në qarkullim 5 mijë lekëshi i ri
Histori & Fakte | Rrezore | 09.07.14 | 18:59
Banka e Shqipërisë nëpërmjet një njoftimi për shtyp ka bërë me dije se që prej ditës së nesërme, pra që nga data 9 korrik, do të hidhen në qarkullim kartëmonedhat shqiptare me vlerë nominale 5000 lekë, emetim i vitit 2013.
Kartëmonedha e re me vlerë nominale 5000 lekë, emetim i vitit 2013, ka të njëjtat pamje dhe përmasa me kartëmonedhën me vlerë nominale 5000 lekë, emetim i vitit 2007, e cila është hedhur në qarkullim në vitin 2009.
Por ka disa ndryshime që janë bërë në emetimin e fundit të cilat janë:
-Trashësia e fillit të sigurisë, i cili bëhet nga 1.5 mm në 3 mm
-Viti i emetimit në trupin e kartëmonedhës, që do të jetë viti 2013
-Firma e drejtorit të Departamentit të Emisionit.
Banka gjithashtu ka theksuar se duke nisur që prej ditës së nesërme, kartëmonedhat me vlerë nominale 5000 Lekë, emetim i vitit 2013, do të përdoren si mjet pagese paralelisht me të gjitha kartëmonedhat ekzistuese në qarkullim të kësaj prerjeje, të emisioneve të mëparshme.
/Shekulli Online/S.L./
Komente