Xhenc Bezhi me poezinë “ Zgjohuni“
Diaspora, Këndi poetik | Xhenc Bezhi | 27.06.15 | 16:37
ZGJOHUNI!
Pse s’i kalbë, tokë e përgjakun,
këta rrëshiqë të pistë e të zi,
mbushë m’paçavra mesjetare,
të mykun e të ndragun?!
Shkye e derdhë na janë sot
në mes të sheshit porsi zgjebe,
ku dikur na mprehnim shpatat,
kundërmojnë erë të qelbun.
Porsi mizat kur zhurmojnë
aty në nënbishte të kalit
vërsulen me bajrakë turpi
botën të ripushtojnë.
Shqipja ime e dykrenare,
pezull n’qiellin e përflakun,
as u tremb, as u kthye mbrapa,
ajo n’ shekuj këtu mbretnon.
E skalitun në flamur
këtu e njëqind vjet ma parë,
ajo, prap se prap krenare,
plagët e veta po shëron.
Komente