U shënua 20- vjetori i themelimit të Sh. K.Sh”Kadri Zeka”në Nurtingen-Kirheimteck
Reportazhe | admin | 25.09.12 | 20:24
Ishte ditë e shtune që u mbajt një tubim impozant në Kircheim-Tek ,në shenjë nderimi dhe respekti për dëshmorin e lirisë Kadri Zekën me te cilin rast u kremtua 20- vjetori i themelimit të SHKSH-së ”Kadri Zeka”.Shoqata Kulturore Shqiptare “ Kadri Zeka” është themeluar më 12.09.1992, në Nürtingen të Gjermanisë, në një kohë qe Serbia pushtuese në Kosovë kishte pushtetin ekzekutiv në forma ma barbare, qe e mbante atë popull nën reprezaljet ma çnjerëzore me gjak e hekur?Mërgata punonte pa hezitim për ndërkombëtarizimin dhe çlirimin e vendit tonë si dhe ndihmonte popullin moralisht e materialisht që të mos gjunjëzohej para okupatorit në Kosovë. Në shenje revolte nga një grup iniciatorësh dhe veprimtarësh ,qe ju printe zoti Xhafer Leci, u themelua ky klub qe mori emrin e njërit nga dëshmorët e kombit Kadri Zekës, tash Hero i Kosovës.
Pamje e nxënësve të Shkollave shqipe të Shtutgardit me rrethinë me arsimtarët Zejnije dhe Zeqir Asllani,
me rastin e 20- vjetorit të themelimit të SHKSH-së „KADRI ZEKA“ të
shoqëruar me një grup veprimtarësh , aktivistesh , publicistëve dhe gazetarëve në këtë takim.
Kryetar i parë i SHKSH“Kadri Zeka “ ishte Faredin Emërllahu më vonë Xhafer Leci, Ekrem Përçuku, Arban Hoxha, Skënder Agushi, dhe sivjet ne zgjedhjet e fundit kryetari aktual është Taxhidin Bakiu.
Moderatoret e këtij takim i ishin dy të reja ,Valesa Asllani dhe Saranda Elezaj, qe edhe hapen programin me këndimin e himnit kombëtar, por ftuan edhe për një minute heshtje ,për te rënët e lirisë.
Në skenë u ftua grupi vallëzues “Migjeni” i cili u prezantua me një valle nga trevat tona shqiptare, me çka nuk munguan duartrokitjet e gjata frenetike . Pastaj u ftua në foltore zoti Taxhind Bakiu, kryetar, aktual i Shoqates „Kadri Zeka“ me te cilën ju drejtua masës me sa vijon;
(Të nderuar bashkatdhetarë, mysafirë të ftuar,familje të heronjve Kadri Zeka dhe Jusuf e Bardhosh Gërvalla, në emër të shoqatës dhe në emrin tim personal ju përshëndes dhe ju dëshirojë mirëseardhje në Manifestimin e 20- vjetorit të themelimit të Shoqatës Kulturore Shqiptare Kadri Zeka në Nürtingen).
„Përshëndesim zotërinjtë mesa vijojnë dhe vazhdoj qe ti përshëndes me radhë“ :
(- Zotin Tefik Ramadani, ish i burgosur politik, veprimtar, publicist dhe përfaqësues i Këshillit për të Drejtat e të Huajve në Mannheim.
-Zotin Ramiz Dërmaku, ish i burgosur politik, veprimtar, dhe gazetar.
-zotin Asllan Dibrani, ish i burgosur politik, veprimtar, publicist dhe anëtar i kryesisë se
Lidhjes së Shkrimtarëve , Artistëve dhe Krijuesve Shqiptarë në Gjermani.
– Zotin Nami Ramadanin, bashkëveprimtar i vëllezërve Jusuf e Bardhosh Gërvalla dhe Kadri Zeka, Kolë
– Zotin Merturi bashkëpjesëmarrës në demonstrata me vëllazëritë Gërvalla dhe Kadri Zeka,Faredin Emërllahu, veprimtar dhe kryetar i parë i Shoqatës“Kadri Zeka.
– Zotin Hasan Qyqalla, Kryetar i Lidhjes së Shkrimtarëve Artistëve dhe Krijuesve Shqiptarë në Gjermani.
– Zotin Zef Prenka, veprimtar dhe Administratori i portalit ”Rrezore”
– Zotin Muhamet Hoxhaj, veprimtar dhe drejtues i Revistës elektronike „Kosovari Media”,
– Zotin Nue Lekaj, veprimtar i çështjes kombëtare.
– Arsimtarët e shkollës shqipe nga Göppingen-i, Magjistër z. Mazllum Hasimja ish mësimdhënës në -Universitetin e Prishtinë-s dhe Sylë Syla).
Zoti Taxhind Bakiu, kryetar, aktual i Shoqatës Kadri Zeka
Pastaj përshëndetje iu bëri edhe përfaqësuesve të Klubeve, dhe shoqatave me delegacionet e tyre qe ishin prezentë në këtë takim. Ishte një kënaqësi t’i sheh të gjithë të bashkuar të qetë , unik dhe të devotshëm për çështjen kombëtare qe bijtë e vetë t’i përkujtojnë t’i duan pa dallim bindje krahinore , lokale ,partiake apo fetare .
Zoti Taxhind Bakiu vazhdoj ma tutje duke i përshëndetur veç e veç :
(Skënderbeg Klaiqi-n, Kryetar i Bashkësisë Shqiptare të Klubeve, shoqatave dhe shoqërive për Republikën e Baden Württemberg-ut.
Jahja Gashi, Kryetar i Shoqatës, „Nëna Terezë“në Göppingen.
Afrim Sylejmani, Kryetar i Shoqatës, „Bardhosh Gërvalla“në Ludwigsburg.
Vitor Spaqi, Kryetar i „Qendrës Kulturore Shqiptare”, në Stuttgart.
Abaz Imeri, Kryetar i Këshillit Organizativ në Heilbronn.
Arben Berisha, kryetar i Klubit futbollistik , “ Kosova” në Bernhausen.
Sheremet Pantina , Kryetar i Shoqatës,”Iliria“ në Heidelberg.
Hazir Beqaj , Kryetar i Shoqatës,” Malësia” në Hechingen.
Besim Prenqi, Kryetar, Halil Zemaj sekretar dhe Ibrahim Ukëhaxhaj, nga Shoqata, „Atdheu“në Schwäbisch Gmünd).
Grupin vallëzues dhe arsimtarët ( Zejnie e Zeqir Asllani, nga shkolla shqipe “Migjeni”me mësim plotësues në Stuttgart, dhe këngëtarët Bujar Osaj, Suzana Jashanica dhe instrumentistët vëllazërit Gjocaj).
Matutje tha se letra përgëzimesh na kanë arritur nga;( ministri i Diasporës z. Ibrahim Makolli,Zëvendës Ministri i Punëve të Brendshme të Republikës së Kosovës, z. Izmi Zeka, nip i Kadri Zekës, Ambasadori i Republikës së Kosovës në Berlin z.Skënder Xhakaliu, Ambasadori i Shqipërisë në Moskë z.Sokol Gjoka, cili vite më parë ka qenë musafirë në tubimet tona, nga Ambasadori i Shqipërisë në Bern të Zvicrës, z.Mehmet Elezi, nga Kunsulli i Kosovës në Stuttgart, z. Faket Kajtazi, nga ish e fejuara e Kadri Zekës, zonja Saime Isufi, nga Kryetari i Shoqatës “Isa Boletini” në Sindelfingen, zt. Brahim Halimi, etj përfundoj ndeër të tjera zoti Taxhind Bakiu duke ju dëshiruar çaste te këndshme te pranishmeve .
Pastaj u ftua ne skenë zoti Xhafer Leci kryetar nderi i shoqatës „Kadri Zeka“ që ta paraqes raportin e një historiku të gjatë mbi veprimtarinë e shoqatës „Kadri Zeka “ nga
Xhafer Leci kryetar nderi i shoqatës „Kadri Zeka
në shpalimin e historikut të kësaj SHKSH „Kadri Zeka“ në Kircheim-tek
data e themelimit deri me tash . Ai shpalosi meritat e një serë aktivitetesh qe ka kryer ky klub si i veten, por edhe duke përfshirë një bashkëpunim edhe me shumë klube dhe shoqata tjera kulturore që gravitojnë në Gjermani .Ai ceku edhe rolin e këtij klubi në mbarëvajtjen shumë vjeçare që dha në ndërkombëtarizimin e çështjes së Kosovës sa ishte nën okupimin serb etj . Zoti Leci ishte njeri nder themeluesit e këtij klubi , qe në shenjë nderimi , kryesia e kësaj shoqate i dhuruan një dhuratë simbolike, një pendë, si sugjerim për vazhdimin e të shkruarit edhe ma tutje si publicist.
Nga moderatorët u ftuan edhe disa veprimtar , publicist dhe përfaqësues shoqatash ta përshëndesin masën siç ishin:
Pamje e diskutuesve nga ky takim i këtij përvjetori Hasan Qyqalla,Tefik Ramadani, Ramiz Dermaku,Asllan Dibrani,Vitor Spaqi,Skënderbeg Klaiqi dhe Fahredin Amerllahu.
Faredin Emërllahu, kryetar i parë i shoqatës ,zotin Tefik Ramadani, zotin Asllan Dibrani, zotin Skënderbeg Klaiqi zotin Vitor Spaqi që të gjithë i përshëndeten të pranishmit duke ju uruar mbarëvajtje të matutjeshëme kësaj shoqate , punë të mbarë qe u përmenden disa aktivitete, por edhe e nderuan këtë figurë të kombit qe dha kontribut të madh në internacionalizimin e çështjes së Kosovës deri në minutën e fundit qe u godit në pritë dhe u vra mizorisht nga dora e zezë e Beogradit!…
Pastaj kryetar i Lidhjes se Shkrimtareve , Artisteve dhe krijuesve shqiptarë zoti Hasan Qyqylla, recitoj poezinë ”Grushti i Dhimbjes”,
Po me një poezi doli edhe Ramiz Dërmaku, i cili e recitoj me titull”MARTIRËVE TË LIRISË”
Grupi recitues nga shkolla “Migjeni” u prezantua me disa recitime nga Shkollat shqipe të Shtuttgardit me rrethinë të arsimtarëve Zejnije dhe Zeqir Asllani. Paraqitja e tyre me program kulturo-artistik me rastin e 20- vjetorit të themelimit të SHKSH-së „KADRI ZEKA“ngjalli atmosferën me një defilim shumë artistik qe ngacmoj ndjenjat e shumë kujt qe ishin në sallë. Vargjet e këtyre aktorëve të rijë i përcollën me lot në sy nga shumë të pranishëm . Shkolla shqipe mori pjesë edhe me Ansamblin e valleve shqipe ´´MIGJENI´´. që u prezantuan me vallet të ndryshme shqiptare.
Nxënësit e Shkollave shqipe të Stuttgartit me rrethinë të arsimtarëve Zejnije dhe Zeqir Asllani,
u paraqiten me program kulturo-artistik me rastin e 20- vjetorit të themelimit të SHKSH-së „KADRI ZEKA“.
Grupi recitues u paraqit me poezinë: „Trojet etnike shqiptare“Në përbërje të grupit ishin këta aktorë apo recitues mbresëlënës, Adrian Zylfijaj, Saranda Elezaj,Drin Shabani, Lumturije Osmani,Leonora Osmani,Rina Osmani,Kaltrina Elezaj , Kosovare Kastrati,Valdrin Asllani si dhe Valesa Asllani.Më pastaj në skenë u paraqiten:Drin Shabani me poemën kosovare „Jam Shqiptar, Kosovar“Saranda Elezaj me monologun „Për flamurin kombëtar“Valdrin Asllani me monologun “ Dheu i Kosovës“qe zëri i tij, pos qe ishte i ngritur dhe u ulur sipas rrëfimeve skenike ai artin e vet e ngriti me një qëndrim shume natyral. Këta vogëlush do të jenë pasqyra e aktit dramatik shume shpejt edhe jashtë kufijve të Baden- Wurtembergut
Këtë tubim për fund e shoqëruan edhe këngëtarët e mirënjohur; z.Bujar Osaj,me zonjën Suzana Jashanica dhe, instrumentistët vëllezërit Gjocaj, të cilët vazhduan programin me këngë të ndryshme deri në orët e vona.
Bujar Osaj këngëtar i cili beri një atmosfere festive te shoqëruar edhe nga publiku.
Pamje e pjesëmarrësve në takimin 20- vjetori i themelimit veprimtarisë së SHKSH”Kadri Zeka”
Pamje e pjesëmarrësve në takimin 20- vjetori i themelimit veprimtarisë së SHKSH”Kadri Zeka”
Pamje e pjesëmarrësve në takimin 20- vjetori i themelimit veprimtarisë së SHKSH”Kadri Zeka”
Pamje e pjesëmarrësve në takimin 20- vjetori i themelimit veprimtarisë së SHKSH”Kadri Zeka”
Foto-Reportazh nga Kircheim-Teku-Shtutgard Shtator 2012
Nga Luan (Asllan) Dibrani
Komente