Kanuni i At Shtjefën Gjeqovit, del në dritë dorëshkrimi i tij
Histori & Fakte | Rrezore | 11.11.13 | 23:29
Për herë të parë në muzeun e Shkodrës bëhet prezent dorëshkrimi i At Shtjefën Gjeçovit, përmbledhës i dokeve dhe zakoneve që më pas u njoh si Kanuni i Lekë Dukagjinit. Historiani, Besi Bekteshi tregon rrugëtimin e Gjeçovit për të realizuar këtë Kodik.Për shoqëri kishte një shkop. Bashkë shkelën gjithë viset e veriut shqiptar duke grumbulluar doket e zakonet. I përmblodhi në një kodik që sot njihet me “Kanuni i Lekë Dukagjinit”.
Rrugëtimi i At Shtjefen Gjeçovi nisi në vitin 1898 dhe u mbyll me botimin e Kanunit në vitin 1928.
Një fletore në të cilën është shënuar e gjithë puna në kodifikimin e Kanunit. Në këtë 80 vjetor të botimit të “Kanunit të Lekë Dukagjinit” studiuesi dhe historian i Muzeut Historik të Shkodrës, Besi Bekteshi për herë të parë ekskluzivisht për “ABC News” nxjerr në dritë dorëshkrimin e At Shtjefën Gjecovit
Këtu në Muze të Shkodrës është ruajtur edhe shkopi i At Shtjefën Gjeçovit. Në të janë të shënuar gjithë vendet ku Frati Françeskan ka ecur për të bërë të mundur grumbullimin e këtij dokumenti ndër më të rëndësishmit të së drejtës zakonore shqiptare.
At Shtjefën Gjeçovi edhe arkeolog, albanolog dhe studiues i madh mundësoi edhe hapjen e Muzeut të Françeskaneve.
Prej këtij muzeu në vitin 1945 janë marrë shumë artefakte të cilat sot ndodhën në Muzeun e Shkodrës.
Një shkrim me shumë elegancë, një shqipe e pastër e pandikuar nga barbarizmat gjuhësore, ky dorëshkrim të cilin Gjeçovi e quan si përmbledhje ose thënë ndryshe Kokrra Kanuje të Kanunit të Lek Dukagjinit, janë një thesar të cilat i kanë rezistuar pluhurit të arkivave dhe vijnë në ditët e sotme si vlerë e shtuar e pasurisë tonë kombëtare./almkos/
Komente