Imzot Rrok Mirdita: Ngushëllim atyre që vuajnë, shpresë për të gjithë
OP-ED | admin | 07.04.12 | 19:46
Ipeshkvi i Arqipeshkvisë Metropolitane Tiranë-Durrës dhe njëkohësisht Kryetari i Konferencës Ipeshkvnore të Shqipërisë, Imzot Rrok Mirdita ka uruar besimtaret per festen e Pashkes.
“Qofshin këto Pashkë ngushëllim për të gjithë ata që vuajnë dhe burim shprese për të gjithë njerëzit”-ka thene ai.
Sipas tij, pashkët nuk janë një ngjarje që i përkasin vetëm krishterimit, por një zbulim hyjnor që prek mbarë njerëzimin në thelbin e tij dhe hedh dritë mbi misterin e vdekjes.
“Kjo dritë është drita e dashurisë që shpëton. Për dashurinë e njerëzve Zoti është bërë njeri, për dashurinë dhe besnikërinë ndaj nesh ka vdekur në kryq. Pikërisht kjo dashuri besnike e ka mundur vdekjen me ringjalljen e Krishtit. Kush e ka kërkuar të ringjallurin ka njohur dashurinë që shpëton dhe ka themeluar jetën e vet mbi besimin në këtë dashuri.”- deklaroi Imzot Rrok Mirdita.
Komente