Aktakuza që pa dyshim rëndojnë sistemin shtetëror të Kosoves.
Analiza & Komente | Zef Prenka | 05.11.20 | 12:39
Shpresojmë në pafajësinë e të akuzuarve, që njëherit janë edhe ish elita e UÇK- së dhe në liri udhëheqës të institucioneve të larta shterore.
Si luftetarë nuk do duhej të ndodhte asnjë aktakuzë për çlirimtarët, por do duhej të akuzoheshin me mijëra paramilitar dhe udhëheqës të agresionit serb në krye me Millosheviç-in dhe bashkëpuntoret e tyre.
Çuditërisht po të njëjtit që arrestohen, kanë votuar pro kësaj Gjykate, që do duhej të ishte krijuar për agresorin dhe jo për viktimën e luftës.
Ndërsa nëse akuzohen për vrasjet e pasluftes, kjo nuk do ishte ndonjë gjë jashtëligjore, sepse vrasjet e ciles do formë në paqë dhe liri duhet hetuar dhe kushdoqoftë duhet të merr përgjegjësinë që i takon.
Si shtet kemi pësuar një fatkeqësi të pa parë duke iu referuar imazhit të Kosovës në arenën ndërkombëtare, sepse, sot po arrestohen figurat vendimarrëse tash e 20 vite dhe imazhi i shtetit do të jetë në pikëpyetje dhe mund të ketë pasoja të rënda politiko-strategjike.
Shpresojmë në pafajësinë e tyre dhe për një drejtësi pa ndikime dhe porosi nga kushdo qoftë.
Z.P.
05.11.2020
Komente