Kush e fitoj betejën politike, Serbija apo Kosova
Diaspora | Dedë Preqi | 25.02.12 | 08:05
Pas mendimit të GJND-së,Serbija përjetoi edhe disfata të tjera ,e cila kishte për qëllim ta sfidoi Kosovën dhe Pavarësinë e saj. Është një qëllim i vazhdueshëm i Serbisë, që Kosovën ta fusë përsëri nën ombrellën e vet ,dhe qështja e statusit të Kosovës përsëri të rihapët dhe të mos lejohet integriteti dhe njohja e këtij shteti ,sidomos në ato vende ku ka bllokuar njohjen e saj.
Përveq tjerash, Serbija e dinë fort mirë se,mund të mbetët jashtë loje,nëse konfrontohet me Amerikën dhe Evropën, duke parë se Pavarësija e Kosovës është e pa kthyeshme.
Prandaj, Prishtina dhe Beogradi duhet të ulën në një tavolinë së bashku, duke ndërmjetësuar me palën e tretë,në krye me Robert Cooper,ndërmjetësues nga ana e BE-së,i cili shquhet si një njohës i mirë i qeshtjeve ballkanike.
Dialogu në mes Prishtinës dhe Beogradit, gjindet në një atmosferë të vështirë,sepse pala serbe nuk lëshon pe,dhe sipas tyre Beogradi akuzon Prishtinën se,po e kërkon të pa mundshmën.
Këto janë propagandat e Serbisë, si gjithëherë me atë stilin e vjetër, e cila me çdo kusht mundohet ti mbajë dy shalqina në një dorë,edhe Kosovën edhe Evropën,që është e mundshme të mbetët pa asnjërën. Delegacioni i Prishtinës, e ka bërë të mundur ,që për hirë të marrëveshjes të bëhët çka është e mundur,duke lëshuar pe në Rrezulutën 1244,së cilës i ka dalë „yzi“,që moti.
Mirëpo,pas disa negociatave të mundimshme në mes të dyja palëve,më 24 .02.’12. u arritë një marrëveshje,që sipas BE-së,të dyja palët kanë arritur marrëveshjen, me çrast Kosova do të prezantohet pa UNMIK-un, vetëm në emër të Kosovës,por me fusnotë, që do të thotë,do të identifikohet pa paragjykime ndaj pozicioneve të veta,në pajtim me 1244,të KSKB, dhe Opinionin e GJND-së, e cila miratoi deklaratën e Pavarësisë së Kosovës.
Kreu i ekipit serb dhe Serbija thotë se, marrëveshja për bashkëpunimin rajonal është në përputhje me interesat dhe Kushtetutën e Serbisë, dhe tani më,është e qartë rruga e shtetit serb ,e cila sipas tyre i ka plotësuar të gjitha kriteret për të marrë statusin e kandidatit për anëtarësim në BE. Ndërsa pala kosovare dhe shefja e delegacionit shqiptarë shprehen optimist se, në këto bisedime dhe në këtë marrëveshje ka përfitue shumë Kosova,duke e quajtë fusnotën si një fjollë bore.
Shumë diplomatë të vendeve të ndryshme ,si edhe ata të SHBA-ve,të Gjermanisë,Anglisë,e tjerë,marrëveshjen e quajtën të favorshme për të dyja palët,por edhe Kosovës i hapën rrugë të reja dhe shumë të rëndësishme në integrimet e saja evropiane dhe veriatlantike.
Sipas disa analistëve të huaj por edhe të vendit,kjo marrëveshje mundet të jetë e dobishme për të dy palët, por vjen pyetja se kur bëhët implementimi i marrëveshjes, sepse Serbija në negociatat e më hershme ,pothuaj se fare nuk i ka zbatue marrëveshjet paraprake,prandaj qëllimi i palës serbe është që tu lëshojë hi syve BE-së ,dhe të tjerëve, vetëm e vetëm që,të anëtarësohet në BE-në.
Dhe nëse BE-ja,nxiton vetëm për ta futur Serbinë nën ombrellën e vet,pa i plotësuar kushtet në praktikë,të cilat janë të shumta dhe të domosdoshme sidomos për Kosovën,si kthimi i të pagjeturve,lëvizja e lirë e qytetarëve,zhbërja e strukturave paralele në veri të Mitrovicës,heqja e barikadave,menagjimi i dy pikave kufitare,pranimi i pasaportave dhe dokumenteve universitare,zgjedhja e tregëtisë së lirë,kthimi i borgjeve, kthimi i dokumeteve kadastrale,dhe shumë gjëra tjera,përndryshe kjo marrëveshje është fund e krye e pa kuptimtë.
Nëse dëshirojmë ta fitojmë një kuptim pakë më të thellë të kësaj marrëveshje,nuk është e mundur që kanë fituar të dyja palët, sepse Serbija ka të bëjë shumë hapa para,sidomos në anëtarësimin e saj në BE, ndërsa Kosova është ende e izoluar në Evropë,as liberalizimin e vizave nuk e ka të pranuar. Serbija ishte deri dje okupatore e Kosovës,dhe diplomacija e saj ka ende apetite dhe „vese“ nga e kaluara,dhe tani po hynë në BE,pa asnjë therrë në këmbë.
Mund të kuptohet shumë lehtë se,të gjitha ëndërrimet e Serbisë po plotësohen,ndërsa kosovarët duhet të zgjohen nga gjumi i ëndërrave. Populli shqiptarë i beson Amerikës dhe aleatëve të saj, por Evropa duhet të ketë një kujdes të veqantë dhe këtë herë mos ti zhgënjejë shqiptarët,sepse e meritojnë si popull të drejtat e tyre,si gjithë popujt tjerë të rajonit dhe Ballkanit perëndimor. Në Kosovë kërkohet më shumë vullnet politik dhe angazhim në gjitha sferat e zhvillimeve të vendit, për përmbushjen e nevojave të qytetarëve të saj, për një të ardhme më të mirë dhe më të begatshme.
Komente