Për bustin e Nënës Tereze në Singen
Analiza & Komente | Zef Prenka | 22.06.15 | 12:13
…
Në manifestimin e djeshëm të përurimit të bustës së Nënës Tereze në qytetin e Singenit, ishte një atmosferë ngazllyese, mbase qyteti nikoqir dhe bashkqytetarët shqiptarë, mundësuan të vendoset ky monument në shenjë nderimi të përhershëm të humanistes botërore me prejardhje shqiptare. Busti i Nënës Tereze, ishte realizuar me angazhim tejet artistik të skulptorit Malë Myrtaj, dhe ai, përveç që është një urë lidhje e miqësisë së fortë shqiptaro-gjermane, gjeneratave të reja të këtij nënqielli, do tiu shërbej për të mbëltuar e përparuar ndjenjën e humanitetit, tolerancën dhe vlerat e mirëkuptimit, solidaritetit dhe paqes.
Koment i Dr. Vilson Mirdita
Të shtunën më 20 qershor 2015 në qytetin Singen të Gjermanisë, në praninë e shumë bashkëatdhetarëve nga Gjermania dhe Zvicra, si dhe qytetarë te Singenit, në një manifestim të denjë për një akt të tillë u bë inagurimi i bustit të Nënës Terezë, vepër e skulptorit akademik, Mal Myrtaj, i cili prej vitesh jeton dhe vepron në Gjermani. Qyteti i Singenit kishte përzgjedhur një ambient të bukur të parkut të Klinikës Hegau Bodensee, për të vendosur bustin e së Lumes Nenë Tereza.
Kryebashkiaku i qytetit të Singenit, Bernd Häusler, duke e vlerësuar lart humanizmin e Nenës Terezë, vlerësoj edhe organizimin e qytetarëve më prejardhje nga Kosova, duke theksuar edhe vullnetin dhe kontributin e tyre, që ky park i qytetit të Singenit të pasurohet edhe më bustin e humanisteës Nenë Tereza. Gjithashtu edhe Konzulli i Republikës se Kosoves, z. Faket Kajtazi, në fjalën e tij e vlerësojë lartë vendosjen e bustit të Nenë Terezës ne ketë qytet ku jetojnë edhe një numer i madh i bashkëatdhetarëve tanë. Ne aktin e zbulimit të bustit ishte edhe sportisti ynë i përmasave botërore, Luan Krasniqi, i cili asnjëherë nuk mungon kur duhet promovuar vlerat e humanizmit të kombit tonë.
Pas Augsburgut dhe qytetit të Sundern, Singeni është qyteti i tretë ne Gjermani ku më iniciativen e bashkëatdhetarëve tanë sheshet emrohen dhe pasurohen më bustin e Nënë Terezës. Iniciativa të tilla jo vetëm qe tregojnë shpirtin humanist të bashkëatdhetarëve tanë, por janë edhe treguesit më të mirë i një mirëkuptimi ndërmjet qytetarëve kosovar, të cilët në periudha të caktuara u vendosen në këto qytete dhe sot janë shembulli më i mirë në forcimin e miqësisë midis komunitetit tonë dhe popullit mik gjerman.
Nga profil i Dr.Vilson Mirdita në fb.
Komente