Lumir Abdixhiku në përkrahje të Rektorit Zejnullahu
Analiza & Komente | Zef Prenka | 16.02.16 | 17:22
Nga Lumir Abdixhiku
Kur s’bën gjë të thonë pse s’bën;
Kur bën të lënë vet;
Kur mbetesh vet të harrojnë krejt.
Rizgjedhja e kapësve në UP prodhoj të pashmangshmen – dorëheqjen dhe largimin e Rektorit Zejnullahu nga aty. Çkapja s’bëhet; kapësit triumfuan; fabrika e paditurisë vazhdon punën. T’i gëzohen pavlefshmërisë gjithë ata studentë që lejuan kjo të ndodhte. E paçi vetën në qafë se ato copa letre që i thirrni diplomë s’kanë për të bërë punë për asgjë kur analfabetët ju mësojnë.
E kam thënë dhe më parë, humbja e betejës së Rektorit është humbje e përpjekjeve të shumë individëve, heronj modern të Republikës, të cilët në momentet më të rëndësishme mbesin megjithatë vet. Këta nuk kanë as militantë, as librezë partie as rrahagjoksë në krah – prandaj dhe largohen lehtë. Rektori njëtrajtësisht mbeti vet. Nganjëherë them se s’meritojmë më mirë.
Komente