Don Albert Krista – meshtari i katërt në Gjermani
Diaspora, Reportazhe | Zef Prenka | 11.09.16 | 21:31
Që nga viti 1984, kur u formua Misioni Katolik Shqiptar në Gjermani, sot filloi me Meshën e parë zyrtare, don Albert Krista,pasardhes i Pater Hil Kabashit, Pater Anton Nua dhe Pater Marjan Lorencit si dhe të ndjerit teologut Pjetër Mjeda!
Shkruan : Zef Prenka
Shtutgart 11.09.2916
Sot me celebrimin e meshes së parë zyrtare në famullinë „Shënjtja Nëna Tereze“ në Shtutgard, Don Albert Krista filloi detyrën e re në Gjermani.
Don Alberti është i katërti meshtar pas, P.Hil Kabashit, P.Anton Nua dhe P.Marjan Lorencit që nga viti 1984,kur për herë të parë formohet Misioni Katolik Shqiptar në Gjermani, thot z.Lon Karrica në një fjalë përshëndetëse dhe mirërseardhje për don Albertin!
Sot kishim edhe vëllezër të besimit musliman dhe Shoqata që veprojnë në lidhje të ngushtë me Famullinë tonë katolike.Ishin Shoqata „Yjet e Kosoves-Sterne des Kosovas“ nga Emmendingeni, Freiburgut Shoqata „Nëna Tereze“ nga Göppingeni, Qendra Kulturore Shqiptare në Shtutgard si dhe aktivist e veprimtar të cilët jetojnë e veprojnë në Gjermani, dhe që kishin ardhur enkas për ti dëshiruar mirë se ardhje don Albertit!
Sot, don Alberti ishte i impresionuar me një numer të madh pjesmarrës dhe besimtarësh në meshën shënjte!
U predikua ungjilli dhe don Alberti jep mesazhe të fuqishme ungjillore dhe duke bërë një analogji me figuren profetike të Mosiut që kishte jetuar mijëra vite para Krishtit dhe figuren e tij e sjellë me shëmbull krahasues të kohërave tona duke aluduar në Gjergj Kastriotin( si „Moisiu shqiptar“, )
që mbrojti kombin nga agresioni otoman, pastaj Dr.Ibrahim Rugova,
që falë urtisë, durimit dhe strategjisë politike të tij, bëri që bota demokratike ti kthej sytë nga Kosova e populli shqiptar duke sjellur Paqë në rajon dhe figurën Shën Terezës
së sapo kanonizuar(shëjtëruar) nga Selia Shenjte në Vatikan, si ndërmjetsuese mes popullit dhe të madhit Zot!
Siç është bërë tanimë praktikë, sot u bë bekimi i Çantave, librave dhe fletoreve të nxënësve e sidomos atyre që fillojnë në klasën e parë!
Nga fundi i meshës shenjte përshendeti edhe z.Tahir Shabani nga Shoqata „Yjet e Kosoves“ si dhe vet don Alberti njoftoj të pranishmit me një autobiografi të shkurtër të veprimtarisë së tij, që nga viti 1994 kur u shugurua për meshtar e deri më sot..! Ishin të fuqishme duartrokitjet e pjesmarrësve , besimtarëve dhe musafireve në kishë për fjalet impresionuese të don Albertit!
Në fund këshilltarët e famullisë kishin organizuar një koktej tasti në shenjë mirë se ardhje për don Albert Krista!
Shtutgard
11.09.2016
Komente