28.Nëntori u festua edhe në Fellbach
Diaspora, Histori & Fakte, Reportazhe | Zef Prenka | 29.11.15 | 21:33
Një mbrëmje festive për nderë të 103 vjetorit të Pavarësisë së Shqipërisë dhe Dita e Flamurit Kombëtar Shqiptar që organizoj Shoqata Kulturore Shqiptare në Fellbach, të sjellë nostalgjinë e vendlindjes dhe më shumë se kaq…
Që nga fillimi i manifestimit, kur aktori dhe njëherit Kryetari i kësaj shoqate z. Refki Bytyqi përgëzoj dhe uroj të pranishmit për festën gjithkombëtarë, dha një historik të shkurtër dhe mjaft domethënës për 28.Nëntorin e vitit 1912 dhe mesazhi i tij për gjeneratën e re, që janë të lindur në mërgim, se si duhet të ruhen dhe kultivohen vlerat kulturore dhe kombëtare në përgjithësi.
Në këtë eveniment kishte edhe mysafir nga shoqata tjera si motra si dhe përfaqësues të komunës së Fellbach-ut.
Në skenën e mbushur përplot me simbole kombëtare, flamuri kombëtar etj. në bynë u prezantuan fëmijët mërgimtar me kostume shqiptare dhe të përgaditur enkas për këtë festë kombëtare, që ishte emocion i ve
qantë dhe me ato recitime sa të ëmbla dhe shumë mirë të pregaditur nga mësuesja elegante znj. Shahe Bytyqi që, të pranishmit u kënaqën me zërin e tyre të ëmbël në gjuhën e nënës, pra gjuhën shqipe.
Nxënësit e mësimit plotësues së shkollës shqipe, pos recitimeve, këngëve, që me përkushtim të veqantë ishte angazhuar mësuesja Shahe,
ata vallëzuan për bukuri e që, reflektuan një koreografi të shkëlqyeshme për të cilën u përkujdes mësuesja e tyre.
Ndërkaq, Artisti mirditor z. Gjergj Lleshaj, kishte pregaditur edhe grupin e vallëtarëve të kësaj shoqate. Ata realizuan valle me motive nga treva të ndryshme shqiptare dhe sigurisht edhe vallën më të bukur të gjitha valleve, atë të „Shotës“!
Pra, një atmosferë impozante dhe e pëlqyer edhe nga miq gjerman që festuan së bashku me ne, duke u interesuar për motivet e valleve dhe recitimet të nxënësve.
Pra, të gjithë të pranishmit u aktivizuan në vallëzim nën tingujt e muzikës shqiptare që na dhuruan këngëtaret Gaspër Ndreca dhe Ylli Demaj.
Një mbrëmje që nuk harrohet, sepse pos festimit dhe mikpritjes që kryesia e shoqatës e sidomos kryetari i saj, ua dhuruan të pranishmëve, aty u ndërtuan ura miqësie, si për shqiptarët ashtu edhe me popullin nikoqir -gjerman.
Pra, 28.Nëntori u kremtua me dinjitet dhe plot vlera kombëtare.
Për Rrezore
Zef Prenka
Komente